Авлигатай тэмцэх газраас  Эх хүүхдийн эрүүл мэндийн үндэсний төвд прокурорын зөвшөөрөлтэй үзлэг хийж зарим албан тушаалтнуудыг шалгаж эхэлжээ. Тодруулбал, Эх хүүхдийн эрүүл мэндийн үндэсний төвийн Эх барих, эмэгтэйчүүдийн эмнэлгийн эмчилгээ эрхэлсэн захирал н.Ц болон түүний томилж байсан, тус төвийн Үргүйдэл, нөхөн үржихүйн тасгийн их эмч Д.Б нар нь 2023 оноос хойш эмнэлэгт үзүүлсэн иргэдийн төлбөрийг цахим санд бүртгэж авалгүйгээр өөрийн хүүхэд болон хамаарал бүхий этгээдүүдийн данс рүү шилжүүлж, 200 гаруй сая төгрөгийг хувьдаа завшсан байж болзошгүй гэх асуудал шалгагдаж байна. Үргүйдэл сүүлийн жилүүдэд нэмэгдсээр байгаа бөгөөд ЭХЭМҮТ-ийн Үргүйдэл, нөхөн үржихгүйн тасгийн нэг удаагийн эмчилгээний төлбөр нь 1.700.000-3.500.000 төгрөг байдаг ажээ.