АНУ-ын Ерөнхийлөгч Дональд Трамп Цагаан ордонд гүйцэтгэх зарлигт гарын үсэг зурж, холбооны Боловсролын яамны эрх мэдлийг хязгаарлах алхам хийлээ.

“Эцэг эх, муж улсууд болон орон нутгийг хүчирхэгжүүлснээр боловсролын үр дүнг сайжруулах” нэртэй уг зарлиг нь Боловсролын сайд Линда Макмахонд яамны үйл ажиллагааг хумих арга хэмжээ авахыг даалгасан байна. Трампын хэлснээр, энэхүү шийдвэр нь “45 жилийн турш хүлээгдсэн түүхэн үйлдэл” бөгөөд холбооны Боловсролын яамыг цуцлах эхлэл болох бөгөөд энэхүү алхам нь боловсролын эрх мэдлийг холбооны засгийн газраас муж улсууд болон эцэг эхчүүдэд шилжүүлэх зорилготой. Гэвч эсэргүүцэгчэд энэ зарлигийг муж улсуудын боловсролын түвшний ялгааг нэмэгдүүлж, санхүүжилтийн асуудал үүсгэж болзошгүй гэж үзэж байгаа юм.

Гэсэн хэдий ч холбооны агентлагийг татан буулгахын тулд Конгрессын зөвшөөрөл шаардлагатай. Макмахоны онцолсноор, яамыг бүрэн татан буулгахын тулд Сенат дахь 60 гишүүний дэмжлэг хэрэгтэй бөгөөд энэ нь улс төрийн хувьд амаргүй даалгавар байх болно.

Хэдийгээр Трампын захирамж боловсролын салбарт томоохон өөрчлөлт авчрах оролдлого боловч түүнийг бүрэн хэрэгжүүлэхэд Конгрессын саад тотгор, улс төрийн ширүүн тэмцэл тулгарна гэж ажиглагчид үзэж байгаа аж.

-abc news