Энэ бүх ээдрээтэй үйл явдлууд жүжигчин Ким Сэ Рон энэ оны 2 сарын 16-нд гэртээ өөрийн амиа хорлосон байдалтай олдсоноос эхэлсэн билээ. Ким Сэ Рон нь бидний мэдэхээр "The Man From Nowhere", "Bloodhounds" зэрэг олон кинонд гол дүр бүтээсэн өндөр зэрэглэлийн жүжигчин байсан юм.

Гэвч түүний энэ их хөдөлмөр алдар нэр 2022 онд согтуугаар машин барьж, гудамж талбай сүйтгэсэн гэж цагдаад баригдсанаар дуусгавар болсон юм. Жүжигчин бүсгүйгээс Өмнөд Солонгосын шүүх 700 сая вон нэхэмжилж байсан бөгөөд уг мөнгийг түүний харьяалагддаг агентлаг болох Ким Сү Хёны байгуулсан энтертайнментээс төлж барагдуулжээ. Энэ явдлаас хойш бүсгүй Өмнөд Солонгосын шүүмжлэгчид "Cyberbullyng" буюу цахим орчноор гадуурхалтад өртөж, 700 сая воноо буцааж агентлагтаа төлөхийн тулд кафед цагийн ажил хүртэл хийж байсныг хожим дэлгэсэн юм. Эцэс төгсгөлгүй үзэн ядалтын эцэст Ким Сэ Рон нь 24 насандаа өөрийн амиа хорлосон.

Тэдний үерхлийн хугацаа:

2025 оны 3-р сарын 10-нд Garo Sero Research Institute (HoverLab) нэртэй YouTube суваг нэгэн видео нийтэлж, Ким Сэ Рон болон Ким Сү Хён нарын харилцааг олонд дэлгэсэн байна. Видео дээр Ким Саэ-рон-гийн авга эгч болох эмэгтэй ярьж, 2015 онд Ким Сэ Рон 15 настай, Ким Сү Хён 27 настай байхад тэдний харилцаа эхэлсэн гэж мэдэгдсэн байна. Түүнчлэн, Ким Сэ Рон нь 2019 онд Ким Сү Хёны агентлаг Gold Medalist-д нэгдсэн бөгөөд дүүгээ тус агентлагийн байгуулагдахад хувь нэмрээ оруулсан гэж хэлжээ. Тэрээр компанид харьяалагддаг жүжигчдийг бэлтгэх ангиудыг удирдаж, шинэ авьяаслаг хүмүүсийг сургаж байсан ч үүнийхээ төлөө хэзээ ч зохих хөлс авч байгаагүй гэж онцолсон байна.

Ким Сэроны гэр бүл:

Kim Saeron нь 15 настай байхаасаа 21 нас хүртлээ Ким Сү Хёнтой үерхсэн. /2015-2021/ 2019 онд Ким Сү Хён өөрийн агентлагаа байгуулахад Ким Сэ Рон ямар ч цалингүйгээр ажилд нь тусалдаг байсан. 2022 оны машины осол болоход тэд хэдийнээ салсан байсан ч Ким Сү Хён болон агентлаг нь өөрсдөө гэнэт гарч ирж бүх хариуцлагыг нь хүлээсэн. Ким Сэ Рон хохирлын цар хүрээг дахин тодруулах хүсэлтэй байсан. Нийт Ким Сү Хён 700 сая воны хохирлыг барагдуулаад буцаагаад төлөөрэй гэж огт хэлээгүй. Ким Сэ Рон бүх асуудлыг зохицуулж өгсөнд талархаж, мөнгө олохоороо төлнө гэж хэлж байсан. Гэтэл гэнэт 2024 онд 700 сая воноо төл гэсэн мэдэгдэл ирсэн. Ким Сэ Рон гайхаад Ким Сү Хёнтой холбогдох гэж олон удаа үзсэн ч амжилтыг олоогүй. Гэтэл удалгүй нэг сэтгүүлч Ким Сү Хёноос дугаарыг чинь авлаа гээд утас руу нь залгасан байдаг. Тиймээс  Ким Сү Хёнтой холбогдох эцсийн холбогдох арга хамтдаа авхуулсан зургаа инстаграмдаа нийтэлж, тэр дороо устгасан /зурган дээрх Ким Сэ Рон 16 настай байсан/. Гэтэл Ким Сү Хён огт танихгүй хүн шиг хандаад мэдэгдэл хийж, няцаагаад Ким Сэ Ронтай ч холбогдоогүй. Эцэст нь Ким Сэ Рон 700 сая воны өрөө төлж дийлэлгүй, санхүүгийн асуудлаас болоод Ким Сү Хёны төрсөн өдрөөр амиа хорлосон. Тэдний хамтдаа авхуулсан зураг зөндөө тул дэлгэх боломжтой гэжээ.

Ахаа, Сэрон байна.

Та надад холбогдуулж шүүхэд хандсан гээд нэхэмжлэл ирсэн байна. Надад жаахан хугацаа өгчих гэж хэлсэн шүү дээ. Эргэн ирэлтээ бэлдээд би их хичээж байгаа. Би тоглосон дүр болгоноосоо хувь өгөөд явах тохиролцоо хийж болох уу? Би төлөхгүй гэж хэлээгүй. Шууд 700 сая вон нэхвэл би угаасаа чадахгүй. Шүүхэд хүртэл хандах хэрэгтэй гэж үү? Намайг авраач… Гуйж байна. Жаахан хугацаа өгчих” гэж 2024.03.19-нд бичиж байжээ.

Мөн үүний дараа Ким Сэ Роныг өөр хүнтэй гэрлэсэн байсан гэсэн мэдээ гарж байсан ч түүний ар гэр шууд няцаасан юм.

Ким Сү Хёны талаас уг мэдээллийг эхэндээ огцом няцааж байсан ч мэдээллүүд ээлж дараалан цацагдахын хэрээр үерхэж байснаа хүлээн зөвшөөрч, гэхдээ насанд хүрсэн хойно нь үерхэж байсан гэжээ.

Үүнээс хойш чимээ аниргүй байгаа ч гэсэн эцсийг үнэн юу болох нь одоо хүртэл нууц хэвээр байгаа ба Ким Сү Хёны хамтран ажилдаг бүх байгууллагууд түүнтэй гэрээгээ цуцалж байгаа юм.

Бид энэ түүхээс нэг л зүйлийг ойлгож болох ба энэ нь "номыг хавтсаар дүгнэх хэрэггүй" юм.