Сансарын нисэгч Сунита Уильямс болон командлагч Барри Уилмор 2024 оны 6-р сард Олон улсын сансрын станц (ISS)-д ирсэн бөгөөд тэд эхэндээ найман хоногийн энгийн даалгаварт орно гэж төлөвлөгдөж байсан ч санамсаргүйгээр 9 сар сансарт гацжээ. Тэднийг авчирсан Boeing-ийн шинэ Starliner хөлөг онгоц нь техник асуудлуудтай тулгарсан бөгөөд буцахад хэтэрхий эрсдэлтэй болсон байв. Тиймээс тэдний 8 өдрийн аялал 9 сараар сунжирч, 3 сарын 19-ний өдөр Флоридын эрэг орчимд 17 цагийн үед эцэст нь аяллаа дуусган бууж иржээ.

Гэвч яагаад тэд ийм удаан хугацаанд сансарт байж, ийм урт хугацаагаар тэнд амьдарсан бэ? 

Уильямс болон Уилмор нар 6-р сарын 5-нд Starliner хөлөг онгоцны анхны хүн тээвэрлэх даалгавраар хөөрч байсан ба энэ даалгаврын гол зорилго нь Starliner хөлөг онгоцыг шалгах явдал байжээ. Тэд аюулгүйгээр Олон улсын сансрын станц руу хүрсэн ч хөлөг онгоц нь хүчилтөрөгчийн алдагдал, таван ажиллахгүй thruster, болон бүрэн хаагдаагүй пропеллент хавхлагчтай болсон байна.

Thruster гэдэг нь хөлгийн хөдөлгүүр юм.

Пропеллент хавхлагч нь сансрын хөлөг, хиймэл дагуул, эсвэл бусад хийн эсвэл түлшний системд ашиглагддаг төхөөрөмж юм.

NASA тэднийг авчрахын тулд дахин хөлөг илгээсэн ч эцэст нь энэ нислэгийг хэтэрхий эрсдэлтэй гэж дүгнэж, Starliner хөлөг онгоц нь тэднийг орхиж, 2024 оны 9-р сард хүнгүйгээр дэлхий рүү буцаж ирсэн байна. Ингэснээр Суни Уильямс болон Буч Уилмор нар Олон улсын сансрын станц дээр үлджээ. Гэвч тэднийг авахаар NASA-ийн Crew 9-ийн нисгэгч нар Ник Хейг болон Оросын сансрын нисгэгч Александр Горбунов нар 9-р сард Олон улсын сансрын станц дээр очжээ.

Ник Хейг болон Александр Горбунов нар SpaceX Dragon хөлөгт дөрвөн суудалтай, түүний хоёр суудал нь тэднийх бөгөөд үлдсэн хоёр суудал нь Суни Уильямс болон Буч Уилмор нарыг гэрт нь буцах замд хамтран суулгах зорилготойгоор ирсэн. Гэвч тэд зөвхөн саатсан хоёр нисгэгчийг аваад буцан явах зорилготой байгаагүй бөгөөд гацсан хоёр нисгэгчийн даалгаврыг үргэлжлүүлэн хийх байсан учир тэд хамтдаа дахин 6 сар сансарт байсан байна.

Crew 9 анх дөрвөн нисгэгчээс бүрдсэн байсан боловч Суни Уильямс болон Буч Уилмор нарыг буцах нислэгт суулгахын тулд хөлгийн бүрэлдэхүүнийг хагас болтол багасгасны үр дүнд даалгавраа амжилттай биелүүлж 2025 оны 3 сарын 19-ний өдөр дэлхийд буцан иржээ.