Дэлхийн алдартай загвар зохион бүтээгч Donatella Versace 2025 оны 4-р сарын 1-нээс эхлэн Versace брэндийн захирлын албан тушаалаасаа огцорч, брэндийн ерөнхий элч төлөөлөгчийн  үүргийг гүйцэтгэхээр болжээ.  Тэрээр 1997 онд ах Gianni Versacе харамсалтайгаар амиа алдсаны дараа тус брэндийг удирдаж эхэлсэн бөгөөд сүүлийн 28 жилийн турш Versace-гийн нүүр царай болж, брэндийг дэлхийд алдаршуулсаар байсан юм. 

Donatella-гийн залгамжлагчаар Miu Miu брэндийн дизайны захирлаар ажиллаж байсан Dario Vitale томилогдож байгаа аж. Vitale нь 2025 оны 4-р сарын 1-нээс Versace-гийн захирлын үүргийг гүйцэтгэж эхэлнэ.  Тэрээр Versace-гийн өв уламжлалыг хүндэтгэн, брэндийн ирээдүйн өсөлтөд хувь нэмрээ оруулах хүсэлтэй байгаагаа илэрхийлжээ. 

Donatella-гийн огцролт нь Versace брэндийн ирээдүйн талаар олон таамаглалыг төрүүлж байна. Капри Холдингсийн эзэмшилд байдаг тус брэндийг Прада групп 1.5 тэрбум еврогоор худалдан авах талаар яриа хэлэлцээ өрнөж байгаа тухай мэдээлэл гарчээ.  Donatella Versace өөрийн Инстаграм хуудсаараа дамжуулан огцорч буйгаа зарлаж, баг хамт олон, Versace-гийн ажилтнуудад талархал илэрхийлсэн байна. 

Versace брэндийн ирээдүй, Dario Vitale-гийн удирдлага дор хэрхэн өөрчлөгдөхийг загварын ертөнц анхааралтай ажиглаж байна.