АНУ-ын Дотоодын аюулгүй байдлын яам (DHS) Харвардын их сургуульд тодорхой виз эзэмшигчдийн мэдээллийг засгийн газарт өгөх шаардлагыг биелүүлэхгүй бол гадаад оюутан элсүүлэх эрхийг нь цуцална гэж мэдэгдлээ.

Уг анхааруулга нь Трампын засаглалын зүгээс Харвардын их сургуульд чиглэсэн ээлжит дарамт болж байна. Дотоодын аюулгүй байдлын сайд Кристи Ноем мөн 4 сарын 14-нд Харвардад хуваарилагдсан нийт 2.7 сая ам.долларын хоёр тэтгэлгийн санхүүжилтийг зогсоох болсныг зарласан юм.