Гаро Сэро Судалгааны Институтаас энэ мэдээллийг нийтэлснээс хойш 21 хоног өнгөрөөд байна. Энэ хугацаанд олны өмнө гараагүй Ким Сү Хён  Сөүл хотноо өнөөдөр хэвлэлийн бага хурал зарласан байна. Тэрээр уг хэвлэлийн хурлын үеэр сэтгүүлчдийн асуултад хариулахгүй  гэсэн бөгөөд өмгөөлөгчийнхөө хамт мэдэгдэл хийжээ.

 Тэрээр “Асуудал үүсэх бүрд Ким Сү Хён гэдэг жирийн хүн болон Ким Сү Хён гэсэн алдартан хоёрын аль нэгийг сонгох шаардлага гардаг байсан . Харин би үргэлж алдартан Ким Сү Хёны талд сонголт хийдэг байсан гэж бодож байна” гэж дурджээ.

Мөн энэ хугацаанд олж авсан шүтэн бишрэгчдийнхээ хайранд талархаж буйгаа илэрхийлж, “Би хоосноос эхэлсэн ч, одоо бол хамгаалах зүйл ихтэй болсон” гэж хэлсэн байна. “ Ким Сэ Рон бид хоёрын дунд болсон асуудалд миний зүгээс хэлэх тайлбарт хүмүүс итгэхгүй гэдгийг ойлгож байна .Гэхдээ үүнийг тайлбарлах боломж надад ганцхан удаа олдож байгаа учраас миний хэлэх зүйлийг сонсоосой гэж чин сэтгэлээсээ хүсэж байна” гэжээ.

Өмнөд Солонгосын жүжигчин Ким Сү Хён өнгөрсөн хугацаанд Ким Сэ Ронтой харилцаатай байсан гэдгээ үгүйсгэж байснаа хүлээн зөвшөөрч, тухайн үедээ уг харилцааг үгүйсгэсэндээ харамсаж буйгаа илэрхийлжээ. Тэрээр, “Тэр үед би бидний харилцааг үгүйсгэсэн. Миний энэ сонголтыг шүүмжлэх нь зүй ёсны хэрэг гэдгийг би бүрэн ойлгож байна” гэж хэлсэн байна. 

Ким Сэ-Ронтой холбоотой мэдээлэл ил гарах бүрд бүхнийг ил болгох талаар бодож байсан ч, алдсан зүйлсээ эргүүлэн авах айдастай байсан тул олон нийтэд хандах шийдвэрээ хойшлуулж байснаа хүлээн зөвшөөрсөн байна. Тэрээр, бидний харилцааны тухай янз бүрийн мэдээлэл ил болох бүрд би ‘бүхнийг ил болгоё’ гэж боддог байсан. 

Тэрээр өөрөөс нь шалтгаалсан үйл явдлууд бусдад зовлон шаналал учруулсанд уучлалт хүсэж, “Юуны өмнө, би уучлалт хүсэж байна. Надаас болж маш олон хүн зовж байгаа гэж бодож байна. Мөн талийгаач  амар тайван нойрсож чадахгүй байгаад харамсаж байна” гэж мэдэгдсэн байна.