iShowSpeed буюу жинхэнэ нэр нь Darren Watkins Jr. нь өдгөө 20 настай Америкийн алдартай YouTube Streamer, контент бүтээгч юм. Тэрээр энергитэй, хэт сэтгэл хөдлөлтэй хариу үйлдэл, хөгжилтэй ааш араншин, тоглоом тоглох үеийн онцгой реакциудаараа алдартай болсон нэгэн билээ. Speed бол шинэ үеийн хүүхдүүдийн хүчирхэг дуу хоолойн төлөөлөл болсон үлгэр жишээ залуу юм.

Тэрээр нэгэн удаа өөрийн ээлжит шууд дамжуулалт дээр дэлхийн бүх улсаар аялж, Stream хийх тухайгаа ярьж байсан нь өдгөө биеллээ олоход тун ойрхон болжээ. Тэр Зүүн Өмнөд Азийн аяллын шууд дамжуулалтаа 2024 оны 9 сард амжилттай хийж дуусгасан ба өнөөдөр буюу 3 сарын 19-ний өдөр өөрийн цахим хуудас дээрээ Азийн (Хятад, Монгол) аялан Stream хийхээ зарлажээ. 

Аяллын шууд дамжуулалт нь энэ оны 3 сарын 24-ний 14:00 цагаас Хятадад эхлэн цаашлаад Монголд ирэх ба тэр уг мэдэгдэлдээ зориулж богино хэмжээний кино хүртэл хийжээ.