Талийгаач Ким Сэ Роны гэр бүлийнхэн өнөөдөр Сөүлийн Сочо Донг дах space share-д хэвлэлийн хурал хийсэн байна. Уг хэвлэлийн хурлын үеэр БНСУ-ын жүжигчин Ким Сү Хёны талийгаачтай бичиж байсан зурвасыг дэлгэн харуулсан байна. Зурваст жүжигчин Ким Сү Хён нь талийгаач  Ким Сэ Роны зургийг явуулаад, түүнд татагдаж буйгаа хэлж , түүнчлэн “Өхөөрдөм шүү, санаж байна” Чамайг тэврээд унтвал сайхан амрах юм шиг байна” гэж бичсэн байжээ. Энэ үйл явдал нь 2016 оны 6 дугаар сарын 25-ны өдрийн пүрэв гарагт бичсэн чатууд гэнэ. Мөн эдгээр чатуудыг шүүхийн шинжилгээгээр оруулж, он сарыг нь баталгаажуулсан болохыг талийгаачийн гэр бүлийн хуулийн зөвлөх нь хэлсэн байна. 
ЖҮЖИГЧИН КИМ СҮ ХЁН  ТАЛИЙГААЧ КИМ СЭ РОН РУУ 15 НАСТАЙД НЬ “ХЭЗЭЭ ЧАМАЙГ ТЭВЭРЧ УНТАЖ БОЛОХ ВЭ?” ГЭЖ БИЧСЭН ЗУРВАС ИЛ БОЛЖЭЭ

Мөн Ким Сэ Роны гэр бүл “Бид 5-6 жил үерхсэн… Чи миний анхны хайр байсан” гэсэн охиныхоо Ким Сү Хён руу явуулж чадаагүй захиаг дэлгэсэн байна.

“Сайн уу? Чи сайн байгаа биз дээ? Чамд өөрийн гараар захиа бичиж үлдээхийг хүссэн юм. Учир нь бидний дунд хэтэрхий олон хэлж амжаагүй зүйлс үлдсэн байна. Би яагаад компанидаа хориотой хүн болж хувирсныг үнэхээр ойлгохгүй байна. Бидний харилцааг хамгаалж, хадгалж ирсэн хэр нь ийм зүйл болсныг хүлээн зөвшөөрч чадахгүй нь. Ахлах сургуулиасаа л би чиний хажууд байхдаа үргэлж аз жаргалтай байсан. Чи үргэлж дулаахан, эелдэг, сайхан сонсогч хүн байсан шүү дээ. Намайг насан туршдаа чамтай хамт байж чадвал ямар их аз жаргалтай байх бол гэж боддог байсан. Бид 5-6 жилийн турш үерхсэн, тийм үү? Ийм өвдөлттэй байдлаар харилцаагаа төгсгөх болно гэж би хэзээ ч төсөөлж байгаагүй. Гэхдээ би чамд жинхэнэ сэтгэлээсээ хайртай байсан гэдгийг л мэдээсэй гэж хүсэж байна. Би чиний амьдралд “хар толбо” болмооргүй байна. Хаана ч байсан, чи үргэлж аз жаргалтай, хайрлагдсан байгаасай гэж би чин сэтгэлээсээ хүсэж байна. Мөн нэг зүйлийг л битгий мартаарай: Бидний хамт өнгөрүүлсэн цаг хугацааг, Ким Сэ Рон… түүнийг муу дурсамж болгочихгүй байгаасай.”

Тухайн үед Ким Сэ Рон 16 настай байсан.

Ким Сү Хён: Хэзээ би чамайг тэврээд унтаж болох вэ?

Ким Сэ Рон: Би одоо зураг авалтдаа явлаа, дуусгчихаад эргээд ирнэ ээ.

Ким Сү Хён: Яв даа… хэхэ (зүрхтэй эможи).

Ким Сэ Рон: Агаараар үнсэлт илгээе~ (зүрхтэй эможи).

Ким Сү Хён: Тэгэхээр чи намайг үнсэх нь үнэн биз дээ? Үнсэх хориотой юм уу?

Ким Сэ Рон: Үгүй ээ… хориотой биш. Бид үнсэлцэж болно.

Ким Сү Хён: За тэгвэл, чи намайг үнссэн ч гэсэн би мэдэхгүй царайлна аа.

Ким Сэ Рон: Хөөх… Чамайг хэд хэдэн удаа үнсчихсэн ч гэсэн мэдэхгүй л байна шүү дээ.

Ким Сү Хён: Хэзээ би чамайг тэврээд унтаж болох вэ? Тэгвэл ямар сайхан унтах бол доо.

Ким Сэ Рон: Тэгье ээ, чамайг тэгж унтуулж өгнө~ (хөөрхөн стикертэй).

Мөн үүнээс гадна өөр олон төрлийн хоорондын зурвасыг дэлгэсэн байна.