2026 оны Их, дээд сургуульд элсэгчдийн элсэлтийн шалгалтын тов болон зохион байгуулалтын шинэ журмууд албан ёсоор тодорхой боллоо. Энэ жилийн шалгалтууд 6 дугаар сарын 25-наас 6 дугаар сарын 28-ны өдрүүдэд зохион байгуулагдах бөгөөд шалгуулагчдын хувьд анхаарах хэд хэдэн чухал өөрчлөлт, онцлогууд гарсан байна.

Элсэлтийн шалгалт-2026: Голлох онцлог, шинэчлэлтүүд

Энэ жилийн шалгалтын зохион байгуулалтад технологийн болон бүтцийн дараах томоохон шинэчлэлтүүдийг нэвтрүүлж байна. Үүнд:

Гэрээний хуудасгүй болсон: Энэ жил элсэлтийн шалгалт нь гэрээний хуудасгүй зохион байгуулагдах бөгөөд шалгуулагчид шалгалтын анги танхимд заалны жагсаалтын дагуу суудлын хуваарь дээрээ сууж шалгалтаа өгөхөөр болжээ.

Ажиллах хүч: Шалгалтыг улсын хэмжээнд нийт 55 шалгалтын төв дээр зохион байгуулах бөгөөд үүнд багш, ажилчдын бүрэлдэхүүнтэй 3500 гаруй хүний баг ажиллана.

Тусгай хэрэгцээт шалгуулагчдыг дэмжих: Тусгай хэрэгцээт шалгуулагчдад зориулан нэмэлтээр шалгалтын төв бэлдэж, шалгалтыг тэгш хүртээмжтэйгээр зохион байгуулахаар төлөвлөжээ.

Технологийн шинэ туршилт: Шалгалтын зохион байгуулалтад оролцож буй багш нарын утасны сүлжээ унагадаг хамгаалалтын хэрэгсэл, төхөөрөмжийг энэ удаад турших аж.

Шалгалтын дэлгэрэнгүй хуваарь

Шалгуулагч та бүхэн өөрийн сонгосон хичээлүүдийн цаг, өдрийг дараах хуваарийн дагуу нягталж, бэлтгэлээ хангана уу.

2026 оны 6 дугаар сарын 25 (Пүрэв гараг)

• 10:00 - 11:20 | Түүх

• 14:00 - 15:20 | Англи хэл

2026 оны 6 дугаар saрын 26 (Баасан гараг)

• 10:00 - 11:40 | Хими

• 13:00 - 14:20 | Газар зүй

• 16:30 - 17:50 | Нийгэм судлал

2026 оны 6 дугаар сарын 27 (Бямба гараг)

• 10:00 - 11:20 | Биологи

• 14:00 - 15:40 | Математик

2026 оны 6 дугаар сарын 28 (Ням гараг)

• 10:00 - 11:40 | Физик

• 13:00 - 14:20 | Орос хэл

• 16:00 - 17:20 | Монгол хэл

Шалгалтын үйл ажиллагааг саадгүй явуулах, өөрийгөө эрсдэлд оруулахгүй байх үүднээс дараах дүрмийг хатуу мөрдөнө үү.

1. Хугацаанаас өмнө ирэх: Шалгуулагчид шалгалтын байранд товлосон цагаас 1 цагийн өмнө заавал ирсэн байх шаардлагатай.

2. Суудлаа эзлэх: Шалгалтын анги, танхимдаа шалгалт эхлэхээс 10 минутын өмнө орж, суудлаа эзэлсэн байна.

3. Хоцрох хориг: Дурдсан хугацаанаас хувийн шалтгаанаар хожимдсон шалгуулагчийг шалгалтуудад огт оруулахгүй болохыг анхаарна уу.

2026 оны элсэлтийн шалгалтад орж буй нийт шалгуулагч охид, залуусдаа амжилт хүсье!