Нийслэлийн Засаг дарга бөгөөд Улаанбаатар хотын захирагчаар ажиллаж байсан Х.Нямбаатарт холбогдох эрүүгийн хэргийг мөрдөн шалгах ажиллагаа үргэлжилж байна.

Авлигатай Тэмцэх Газраас 2026 оны 10 дугаар сарын 09-ний өдөр Цагдаагийн Ерөнхий Газрын Интерполын ажлын албанд хандаж, Х.Нямбаатарыг Интерполын шугамаар эрэн сурвалжлуулах "Хөх булант" зар мэдээ нийтлүүлэх хүсэлтийг хүргүүлсэн байна.

Интерпол нь олон улсын бие даасан байгууллага тул тус байгууллагын өмнөөс байр суурь, тайлбар хэлэх боломжгүйг албаныхан мэдэгдлээ. Түүнчлэн АТГ-аас НҮБ-ын Авлигын эсрэг конвенц-д заасны дагуу түүнийг албадан авч ирэх хүсэлтийг хүргүүлэхээр холбогдох байгууллагуудтай санал солилцон ажиллаж байна.

Мөрдөн шалгах ажиллагааны хүрээнд Х.Нямбаатарыг дараах хууль бус үйлдлүүдэд шалгаж байна:

• "Туулын хурдны зам"-ын ажил, Улаанбаатар төслийн гүйцэтгэгчээр шалгарсан нэр бүхий хуулийн этгээдэд урьдчилгаа төлбөр болох 500 тэрбум төгрөг олгохдоо Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль-ийн 42 дугаар зүйлийн 42.4-т заасныг зөрчсөн гэж үзжээ.

  Энэ үйл явцдаа Санхүү, хөрөнгө оруулалтын газрын Хөрөнгө оруулалтын хэлтсийн даргын үүргийг түр орлон гүйцэтгэгч Б.Гантулгын оронд Т.Даваадалайг томилж дахин захирамж гаргасан бөгөөд улмаар хуульд заасан баталгаа гаргах эрхгүй этгээдэд санхүүжилтийн эрхийг нээж, бусдад эдийн засгийн давуу байдал бий болгосон байна.

• Мөн төрөөс зарласан 20 орчим тендер сонгон шалгаруулалтад өөрийн хамаарал бүхий этгээдийн компаниар орж шалгарсан, хууль бусаар шалгаруулсан байж болзошгүй үйлдлүүдийг Нийслэлийн прокурорын газрын хяналтад ажлын хэсэг байгуулан шалгаж байна.

1. Мөрдөн шалгах ажиллагааны зөрчсөн гэх хуулийн заалт:

   Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль — 42 дугаар зүйл. Гүйцэтгэлийн болон зүгшрүүлэх, тохируулах хугацааны баталгаа

   • 42.4. "Гадаад улсын банкнаас баталгаа гаргуулах эрхийг гадаадын этгээд эдлэх бөгөөд энэ тохиолдолд баталгаа гаргагчийн нэрийн өмнөөс захиалагчтай харилцах, мэдэгдэл хүлээн авах эрх бүхий этгээдээр Монгол Улсад үүсгэн байгуулагдсан банк, санхүүгийн байгууллагыг заасан байна."

2. Эрүүгийн хариуцлага:

   Эрүүгийн хуулийн 22.1 дүгээр зүйлийн 3 дахь хэсэг:

   "Энэ гэмт хэргийг улс төрд нөлөө бүхий этгээд... үйлдсэн бол нийтийн албанд ажиллах эрхийг бүх насаар хасаж 12 жил хүртэл хугацаагаар хорих ял шийтгэнэ."